26. vikna

Jólin á Íslandi

Heim

Ágætu vinir. Við erum núna að pakka saman og leggja í (h)ann. Komum til Íslands þann 23. des og náum vonandi í jólasteikina. kveðja, Tiger.

Kaldur desember

Núna er kominn þessi sá árstími, þegar það er orðið svalt á morgnana, kvöldin og á nóttinni og jafnvel kalt, en á daginn er vel heitt að vanda. Samt besti árstíminn að flestra mati.

24. vikna

Lítil vinkona

23. vikna

Tívolí

Afmælið

22. vikna

Tigerinn varð 22. vikna á laugardaginn og þá fórum við yfir í Wangresort sem ég kalla stundum sundlaugina í bakgarðinum. Sá litli skelti sér aðeins ofaní barnasundlaugina og líkaði bara vel. Fórum mjög rólega því sundlaugin er frekar köld. En aðstaðan er frábær og með ólíkindum að það sé komin svona flott laug og sveitahótel í bakgarðinn hjá okkur.
Tiger í sundi

5. mánaða

Í dag fyrsta desember á Sigurður Rúnar fimm mánaða afmæli. Við keyptum tvær litlar kökur og skiptum þeim milli krakkana. Því miður lenti litli leikfélagi okkar Mó Bing púddelhundur heimilisins í að hlaupa fyrir bíl, en hún notaði aldrei ól, en kunni samt ekki að varast bílana. Því miður er þesii litli gleðigjafi farinn frá okkur en við þökkum fyrir þann tíma sem við höfðum með hundinum. Við sendum góðar kveðjur heim en Huginn Ási á líka afmæli í dag, en hann er fjögra mánaða og við sendum honum og ykkur öllum bestu kveðjur heim.

Viktoría

Viktoría á afmæli í dag, 29. nóvember en hún er orðin 13. ára gömul. Því miður getur við ekki komið í afmælið, en við sendum öll kærar kveðjur heim og vonum að þetta verð skemmtileg veisla og Sigurður Rúnar Tiger biður að heilsa ykkur öllum. Annars var þessi síða stofnuð upphaflega fyrir Viktoríu og það skírir nafnið á síðunni. Síðan liðu vikur á mánuðir án þess að hún væri notuð og ég ákvað síðan að henda nokkum barnamyndum þarna inn og síðan hefur þessi síða verið notuð fyrir Tiger frænda Viktoríu. Við hlökkum til að sjá ykkur öll í desember og viljum vita hvar jólasteikin verður í ár? Annars er msn dottið út hjá okkur og kemst ekki í lag. Fáið ykkur endilega skype svo við getur talað saman í síma.

21. vikna

Litli gaur varð 21. vikna í gær, en þá fórum við í sumarhús sem er staðsett í risastórum þjóðgarði, sem heitir Tunga-man, en þegar maður var kominn inn fyrir hliðið á garðinum, þá þurfti maður að keyra heila 30 km til að komast á áfangastað. Þar er eitt af sumarhúsum konungsfjölskyldunnar og þar er mikið ævintýraland. m.a ganga þar fílar og úlfar lausir innan þjóðgarðs. Annars hafði ég ekki hugmynd um að þarna væru lausir fílar og úlfar þegar ég fékk mér klukkutíma hlaupa og göngutúr um svæðið. en annars stafar af þeim lítil hætta, en við heyrðum í báðum þessum skeppnum og sáum nokkur minni dýr. Við hættum við að sofa í sumarhúsinu/hótelinu þegar við sáum hvað þetta var hrátt, meira að segja á tælenskan mælikvarða. Við höfum aldrei séð eins mikið af maurum. Því sváfum við í tjaldi á pallinum, sem var alls ekki svo slæmt. Annars var þetta skrítið að vara aðeins 100 metra frá einu sumarhúsi kóngsins, en fá samt svona hrátt húsnæði, sem ekki var einu sinni boðlegt innfæddum. Ég hélt reyndar að ég hefði séð allt hérna í sveitinni, en þarna var mér í fyrsta skipti brugðið.
En umhverfið þarna var ægifagurt og um kvöldið fóru allir stóru strákarnir með lukt og Rambóhníf að skoða dýralífið í myrkrinu. Strákarnir stukku svo með hnífinn útí í vatnið og veiddu heila þrjá fiska, en skáru svo af sér blóðugurnar í leiðinni. Þarna er frekar kalt á nóttinni og gott fjallaloft. Maður verður samt að fara varðlega þarna, út af þessum skeppnum og svo leynist ýmislegt í skóginum, eins og td slöngur og blóðsugur eins og áður sagði. Maður þurfti að skoða sig mjög vel eftir að hafa gengið í blautu grasinu og ég fékk meira að segja eina á kálfann, en sem betur fer sá systir Deng hana og var hún skorinn af með stórum Rambohníf, alveg eins og í Rambo III.
Á næstneðstu myndinni má sjá sumarhús konungsins, en á neðstu er gistiskýlið sem er í rúmlega hunrað metra fjarlægð frá "konungshöllinni", en er ekki íbúðarhæft.
"SVEITASÆLA"

20. vikna

Sigurður Rúnar átti 20. vikna afmæli á laugardaginn. Við héldum svo sem ekkert upp á það, því nú er maður farinn að muna eftir þessu afmæli degi síðar. Hins vegar er þetta flott tala og synd að gleyma þessu. Annars fer að koma að öðru stórafmæli, því hann verður 5. mánaða 1. desember. Vonandi gleymum við því ekki! Annars líkar honum athyglin hérna vel. Mikið er látið með hann og finnst mikið gaman að sjá ný andlit og sérstaklega er tekið eftir hvað hann heillast af stúlkunum. Hann er nú orðinn aðaltöfarinn í bænum og við versluðum fyrir hann CHE bol á útmarkaði á 50 bath (100 kr). Tigerinn er farinn að læra mikð áf nýjum hlutum, m.a virðist sem handahreyfingar séu að verða markvissari og svo er hann farinn að velta sér mun meira og mjög stutt í að hann fari að skríða. Svo var ákveðið að leyfa honum að byrja að borða. Hann byrjaði á örlitlum barnagraut í dag og líkaði vel. Annars er MSN dottið út hjá okkur þannig að þar er ástæðan fyrir því við höfum ekki heyrt í ykkur nýlega.

Viðbót

1. Tiger í stuði
2. Ekki meira af lóðum III

Meira